Videoke sa SM Clark

Nagkayayaan bigla na mag-videoke kami after work nung Tuesday. Eto ang kuha ni Ms. Debs... from left>> si Zha-zha, Pinky, Ako, and si Rogie. Napakanta nila ako ng Harana. Hay ewan ko ba kung bakit yun ang kinanta ko kasi wala akong maisip. Hehehe... Eto ang mga kinanta nila: Si Zhazha=You're All I Need, Pinky=Breathless, Debs=Sway, Rogie=Wherever You Will Go.... Yun lang.

********************

Malapit na ang buwan ng Mayo. Malapit na rin ang tinatawag na transition period... ang pamamaalam ng panahon ng tag-init. Honestly, I feel I have fear of lightning or what we call astraphobia. Isa sa mga hate kong panahon sa loob ng isang taon ay ang manaka-nakang pag-ulan, pagkulog at pagkidlat. Though, I enjoy rainy season because of cold weather (ang sarap humiga at mag-unat-unat sa kama), ayoko naman yung may kasamang kidlat. Kayo, what is your phobia?

Evacuation Drill

Nagsagawa ang aming kumpanya ng isang Evacuation / Emergency Drill kanina. Ok naman ang kinalabasan kahit na hindi ako masyadong nag-participate sa demonstration dahil marami kaming masyado sa Fire Brigade Team. Bukas ilalabas ang over-all evaluation sa aming isinagawang drill. Hindi lang fire drill ang ginanap kanina, pati na rin ang first-aid demonstration, chemical spill, at evacuation exit (earthquake or fire) ng mga empleyado. Mabuti na ang laging handa sa sakuna. Pero ang tanong ko lang, sa aktwal na kalamidad kaya, mai-aapply namin ang dry-run na ito? In the first place, I hope walang sakunang mangyari sa kumpanya namin. Knock on wood...

*** Sa ibang topic naman, may kumakalat na letter sa loob ng kumapanyang ito -- mula sa hindi pa natutukoy na indibidwal o grupo. Nagbabanta kasi ang tema ng sulat na ito na ikinakalat sa mga hallway bulletin, comfort room at sa canteen daw. Mga hinanakit sa kumpanya, mababang pasweldo at pagiging unfair umano ng top management ang nasasaad. Mukhang galit ang grupo na ito dahil nagbabanta na isasabotahe ang anumang tansaction sa loob ng production. Ikinaalarma tuloy ito ng management at ibang empleyado. Hay naku, as an observer, hindi pa ako fully makakapagbigay ng aking opinion tungkol dyan. Abangan ko muna ang susunod na kabanata...

Election Theme Songs

Hindi na nga talaga mapipigilan ang mga kandidato sa politika ngayong darating na halalan. Kanya-kanyang gimik ang kanilang ipinamamalas. Siyempre, hindi mawawala ang kanya-kanyang theme song or jingle para somehow ay tumatak sila sa isipan ng mga botante.

Ano nga ba ang sikat? Para sa iba, hindi mahalaga kung ano mang gimik ang kanyang ipinapakita basta maganda ang kanyang hangarin at plataporma. Pero para sa akin, at marahil sa aking obserbasyon, hindi lahat ng mga botante ay ganyan mag-isip. Hindi naman sa nagbubuhat ako ng sariling bangko, pero naniniwala ako na marami pa rin sa atin ay madaling madala sa mga political ad na nakikita natin sa telebisyon, o sa mga naglalakihan at makukulay na tarpulina sa kalye.

Nakalulungkot lamang isipin na para sa mga kandidatong ito, nagiging popularidad na ang labanan. Oo nga't ganun talaga ang sistema natin, in fact, by popular votes talaga ang basehan sa kung sino ang mga mananalo. Kaya nga't kahit paulit-ulit ang mg naririnig nating paalala, dapat pa rin nating isakatuparan ang masusing pagpili at pagboto sa mga kandidato ngayong eleksyon.