Toy Story 3

Ito ay istorya ng mga laruan. LOL

I enjoyed watching this animated film! Hindi ako masyadong mahilig manood ng mga ganitong klaseng pelikula pero nagustuhan ko ito.

In fact, hindi ko nga napanood ang Part 1 and 2 nito. Pero ok naman, makaka-relate naman kahit hindi pinanood ang naunang sequel.

Hindi ko na rin masyadong iku-kwento ang istorya dahil box office hit naman ito. Halos kumpleto kasi ang pelikula -- may comedy, drama, action, suspense... kulang na lang horror. Hehehe...

Ito ang kaisa-isang animated film na nominated for Oscar's Best Picture ngayong taon. Pero kahit gustung-gusto ko ang movie na ito, sa aking palagay, maliit pa rin ang chance nito na masungkit ang tropeo dahil wala pa sa history ng Oscars na nagwagi ang isang animated film para sa Best Picture. But who knows?

Konting trivia... ito ang pangatlong animated film na na-nominate sa pagka-Best Picture ng Oscars.. along with Beauty and the Beast (1991) and Up (2010). Itanong nyo pa kay kuya Kim. Hahaha!

At dahil lima ang nominasyon ngayon nito sa Oscars (Best Picture, Adapted Screenplay, Animated Feature, Sound Editing and Original Song para sa "We Belong Together"), eto ang aking ibibigay na grado sa pelikulang ito using this calculation:

5 + Pi Constant (π) = 8.14159 (out of 10).

Kung bakit ganyan ang formula ko, walang pakialamanan... :-D

Winter's Bone

"Yun na yon!" -- Ito ang aking reaksyon matapos kong panoorin ang pelikulang ito.

Kung may insomnia kayo at hirap lagi sa pagtulog (kaya nga insomnia eh... hehehe), perfect ang movie na ito para makatulog kayo ng mahimbing. LOL

Hindi lang talaga ako naka-relate sa pelikulang ito. Pero kung babasahin ang ilang reviews ng mga kritiko para sa movie na ito, bilib na bilib sila rito. I am sorry, for me, I'm not. Hehehe... Unang-una, hindi talaga ako movie critic, sa pagkakataong ito, feeling movie critic lang. Hahaha!

Sa bungad palang ng pelikula, parang ayaw ko nang tapusin. Pero tiniis ko.. hehehe... tinapos ko talaga expecting na may manggigising na eksena sa nahihimbing kong diwa. Pero tama pala ako, at the end of the movie, gulat na gulat talaga ako dahil hindi ko akalaing tapos na pala.

Parang wala yata akong masabing maganda sa pelikula... hehehe... Teka, try ko...

Ito ay kwento ng isang 17-year old na dilag na si Ree Dolly. Sa introduction palang, makikita kaagad kung anong klaseng pamumuhay meron ang pamilya ni Ree.

Panganay itong si Ree sa dalawang kapatid na may inang parang mababaliw na yata sa bigat ng problemang kanyang dinadala. At ano ang problema? Bukod sa kahirapan, ang biglaang paglaho ng asawa (ama nina Ree) ang dinaramdam ng mag-iina sa umpisa palang ng pelikula.

Eager itong si Ree na hanapin ang nawawalang ama. Lalo pa siyang nagpursigi sa paghahanap nang makarating ang balitang kailangan na nilang umalis sa bahay dahil di umano'y nakasangla ang lupain nila na ang may kagagawan ay ang kanyang tatay (or something like that).

Subalit sa lahat ng pagtanungan ni Ree (even sa mga kamag-anakan), wala siyang matinong impormasyong nakukuha...

Doon na nagsimula ang kalbaryo ni Ree. I guess, marami rin ang hindi magugustuhan ang ganitong klaseng istorya. Hahaha!

Basta yun na yun. At kung tatanungin nyo kung bakit "Winter's Bone" ang title ng movie na ito, well... walang pakialamanan! Hehehe... gusto ng direktor at producer eh. And as usual, panoorin nyo na lang! (Pero sa mga makakabasa ng panlalait ko, may manonood pa kaya nyan? Hehehe)

But seriously, I seriously didn't like this film. Napaka-seryoso ng tema! Seryoso ang mga characters, pati na rin ang setting, ang lugar! Walang masaya sa pelikulang ito. At lalong hindi ako matutuwa kung mananalo ito sa pagka-Best Picture sa darating na Oscars.

With a total of 4 nominations (including Best Actress for Jennifer Lawrence as Ree Dolly), sa aking palagay, mukhang mahihirapang masungkit ni Jennifer ang pagka-Best Actress itapat palang kay Natalie Portman ng The Black Swan.

At dahil apat ang nominations ng movie na ito sa Oscars, ang grado ko para rito ay katumbas ng apat na "buto"... ng pakwan:

4.02 / 10.00

The King's Speech

"I bloody well stammer!"

Simple lang ang istorya ng pelikulang ito. Pero ika nga nila, simplicity is beauty.

Although I admit na may mga boring scenes sa pelikula, siguro inaantok at pagod lang ako masyado habang pinapanood ko ito. Hahaha... nag-explain!


Base sa totoong buhay ang movie na ito. Kwento ng tatay ni Queen Elizabeth II na si King George VI ng United Kingdom.

Bagama't tila na sa kapalaran na ni George VI na maging susunod na hari pagkatapos mamatay ang ama na si George V, at matapos ding ma-"disqualify" ("abdicated" is the correct term) ang kanyang nakatatandang kapatid sa pagkahari dahil sa "technicalities" (panoorin nyo na lang kung bakit), may malaking problemang haharapin ang bagong hinirang na hari --- iyon ay ang kanyang utal-utal na pagsasalita. Ang laki ng problema nya! LOL

Pero sabi nga nila (hindi ko rin alam kung sinu-sino sila), bilang isang leader ng isang nasyon, organisasyon o kaharian, mahalaga sa madlang pipol kung papaano mo ipararating ang mensahe, hindi lang para maintindihan ka, kundi para paniwalaan ka rin.

Upang maisakatuparan ito at ma-overcome ng hari ang kanyang "speech problem", nakilala nila si Lionel Logue, isang Australian speech therapist na tumulong sa Hari para somehow mag-improve ang dila nito. You'll see in this movie the significant role of Lionel Logue, not only in the life of King George VI, but in the whole British Monarchy as well.

Muntik nang dumugo ang ilong ko habang pinapanood ko ito. Hahaha!

Pero mas nagustuhan ko ito kaysa sa pagta-tongue twister ni Mark Zuckerberg sa The Social Network. Hehehe...

Kung pagiging utal lang ang batayan kung sino ang tatanghaling Best Actor sa Oscars ngayong taon, panalo na si Colin Flirth (bilang King George VI). No wonder magmala-utal-utal siya sa speech nya habang tinatanggap ang trophy as Best Actor sa Oscars.. Let's see...

Glossy ang pelikula, may potential manalo as Best Cinematography... Glossy ba o malinaw lang yung DVD copy ko? Hahaha!

At kung screenplay naman ang pag-uusapan, kung pagandahan lang ng speech ang batayan, winner na ito! Hehehe... basta wag lang pautal-utal.

Sa labing-dalawang nominasyon nito sa 83rd Academy, masasabi na ba nating ito na ang Best Picture ng taon? Abangan na lang natin...

Isantabi muna ang popular na kasabihang "Actions speak louder than words" sa pelikulang ito. Dahil sa movie na ito, ipinapakita lang na minsan, para maging kumpyansa sa atin ang mga tao sa paligid natin, we have to convey our message with a clear voice, comprehensively and with spontaneity.

Ladies and Gentlemen, my Rating for this movie is 7.63 / 10