The Fighter

Another film nominated for this year's Academy Awards for Best Picture. Pero kung "fighter" ang titulo ng pelikulang ito, mukhang walang laban ito. Hehehe.


Hindi ko lang siguro type ang tema. Hmmm... hindi dahil sa "Boxing" ang kwento nito (exciting rin naman ang boxing lalo na sa laban ni Dionisia), kung hindi sa kabuuan ng pelikula -- ni hindi ko nga na-gets ang mensahe ng movie. LOL

Isa na namang "based on a true-to-life story" ang pelikulang ito. Gayunpaman, hindi ko talaga gets. Hahaha!

Teka, let me analyze first. Hehehe...

Sa magkapatid (half brothers) na Micky Ward at Dicky Eclund umiikot ang istorya. (Dapat pala "Micky and Dicky" na lang ang title ng movie na ito baka naaliw pa ako. Hehehe). Kina-career nila ang boxing sa impluwensya na rin siguro ng pamilya especially their mother Alice Ward na mukhang may sayad sa pelikualang ito.

Eh itong si Dicky ay mahilig yatang humithit ng katol kaya nagkaganyan din ang pag-uugali at mannerism, nakulong tuloy ang mokong dahil sa kinasangkutang eskandalo laban sa mga pulis.

Syempre itong si Micky ay frustrated sa mga pinaggagagawa ng kanyang pamilya, idagdag pa ang disappointment sa mismatch nyang laban dahil na rin sa kapabayaan ng kanyang ina na tumayong manager nya sa kanyang boxing career.

Ay ayoko nang ituloy ang kwento kasi wala namang kwenta. Hahaha...

But in all fairness, magaling si Christian Bale dito sa kanyang acting (Dicky) kaya siguro na nominate siya as Best Supporting Actor. Nominated din si Amy Adams as Best Supporting Actress bilang jowa ni Micky na wala namang akong natandaang remarkable acting performance kundi ang pakikipag-away sa mga alipores ng nanay ni Micky. Siya na, siya na ang tunay na FIGHTER sa pelikulang ito. Hahaha!

Then all of a sudden, sya pala ang mananalo as Best Supporting Actress noh? Hahaha!

Sa pelikulang ito ko napatunayan na hindi lahat ng may "happy ending" ay maganda. Toinks!

Knock-out ang pelikulang ito para sa akin na may gradong 5.84 / 10.

Game over!

True Grit

Kung kayo'y kasalukuyang masaya at panonoorin nyo ito, magiging neutral ang feeling nyo. Kumbaga, tabla lang, pampabawas ng kasiyahan nyo. Hehe. Mare-realize nyo na not all the time ang kasiyahan, may mga problema tayo na dapat ayusin.

Pero sa pelikulang ito, ipinakita na ang kasalukuyang problema natin ay maaring mas maging kumplikado pa habang sino-solve mo ito.


Kung kayo nama'y kasalukuyang depressed, malungkot, dinidibdib ang mga problema sa buhay, at may balak paghigantihan ang isang kaaway, wag nyo na munang panoorin ito. Lalo lang kayo made-depress at baka makaisip ng masamang hangarin. LOL

Masyado kasing seryoso ang pelikulang ito. Ang kwento ay umiikot sa batang babae na si Mattie Ross, isang ulila at balak paghigantihan ang pumatay sa kanyang ama. Sa kasagsagan ng paghahanap ng katarungan para sa kanyang ama, nakilala nya ang mga taong sa tingin nya'y makakatulong sa kanyang paghihiganti --sina Rooster Cogburn at LaBoeuf.

Isang masalimuot na adventure ang ikinaharap ng batang si Mattie. Sa edad nyang katorse anyos, puro karahasan na ang kanyang nasaksihan.

Nakamit nya ba ang katarungang inaasam? As usual, panoorin nyo na lang. Hahaha!

At dahil may dugong Filipino raw itong si Hailee Steinfeld na gumanap bilang si Mattie, sana manalo sya as Best Supporting Actress. Ok naman ang performance nya rito.

Ano bang lesson ang matututunan sa pelikulang ito? Although retribution ang tema ng pelikula, hindi naman ganun ang ibig ipahiwatig ng movie. Siguro, ang ibig iparating nito ay sa anumang sitwasyon at pagkakaton, maaaring makakakilala pa rin tayo ng mga taong tutulong sa atin at maaaring magbigay-daan para maiba ang mga pananaw natin sa buhay.

My score for this movie: 7.01 / 10

The Social Network

Gusto ko ang Facebook, pero hindi masyado sa pelikulang ito. LOL

Masyado kasing witty ang pelikula, hindi ako maka-relate. Haha!

Tapos yung gumanap pa bilang Mark Zuckerberg ay parang laging nakikipag-tongue twister kapag nagsasalita. Kung yun ang basehan sa pagiging Best Actor, panalo na siya.

Sa mga adik sa Facebook dyan, hindi ko maga-guarantee na magiging adik din kayo sa pelikulang ito. Pero kung interesado kayo sa history ng Facebook, panoorin nyo ito.

Ngunit subalit datapwat base sa totoong pangyayari ang istorya nito, isang critic sa US ang nagsasabing 40% lang daw ang totoo sa pelikulang ito. Well, bahala silang mag-away. Hehehe...

I guess, the movie is all about "communication", whatever medium we use. The founder of facebook created such social networking website to manifest how we all relate to each other. However, even in a real world there are always miscommunication and misunderstanding. How do we deal in that situation?

Aside from being nominated as Best Picture for this year's Academy Awards, the movie is also nominated for Best Film Editing, Cinematography, Adapted Screenplay, and others to complete the 8 nominations. It means, malaki ang chance nito sa mga hurado.

Pero para sa akin, kumbaga sa Facebook, hindi ko ito ila-"Like". Wala lang. Deadma ang status. Hahaha!

Naalala ko ang pelikulang Frost/Nixon habang pinapanood ang movie na ito. Pero mas nagustuhan ko ang Frost/Nixon. Yun lang.

I rate this movie 6.91 / 10.