True Grit

Kung kayo'y kasalukuyang masaya at panonoorin nyo ito, magiging neutral ang feeling nyo. Kumbaga, tabla lang, pampabawas ng kasiyahan nyo. Hehe. Mare-realize nyo na not all the time ang kasiyahan, may mga problema tayo na dapat ayusin.

Pero sa pelikulang ito, ipinakita na ang kasalukuyang problema natin ay maaring mas maging kumplikado pa habang sino-solve mo ito.


Kung kayo nama'y kasalukuyang depressed, malungkot, dinidibdib ang mga problema sa buhay, at may balak paghigantihan ang isang kaaway, wag nyo na munang panoorin ito. Lalo lang kayo made-depress at baka makaisip ng masamang hangarin. LOL

Masyado kasing seryoso ang pelikulang ito. Ang kwento ay umiikot sa batang babae na si Mattie Ross, isang ulila at balak paghigantihan ang pumatay sa kanyang ama. Sa kasagsagan ng paghahanap ng katarungan para sa kanyang ama, nakilala nya ang mga taong sa tingin nya'y makakatulong sa kanyang paghihiganti --sina Rooster Cogburn at LaBoeuf.

Isang masalimuot na adventure ang ikinaharap ng batang si Mattie. Sa edad nyang katorse anyos, puro karahasan na ang kanyang nasaksihan.

Nakamit nya ba ang katarungang inaasam? As usual, panoorin nyo na lang. Hahaha!

At dahil may dugong Filipino raw itong si Hailee Steinfeld na gumanap bilang si Mattie, sana manalo sya as Best Supporting Actress. Ok naman ang performance nya rito.

Ano bang lesson ang matututunan sa pelikulang ito? Although retribution ang tema ng pelikula, hindi naman ganun ang ibig ipahiwatig ng movie. Siguro, ang ibig iparating nito ay sa anumang sitwasyon at pagkakaton, maaaring makakakilala pa rin tayo ng mga taong tutulong sa atin at maaaring magbigay-daan para maiba ang mga pananaw natin sa buhay.

My score for this movie: 7.01 / 10

The Social Network

Gusto ko ang Facebook, pero hindi masyado sa pelikulang ito. LOL

Masyado kasing witty ang pelikula, hindi ako maka-relate. Haha!

Tapos yung gumanap pa bilang Mark Zuckerberg ay parang laging nakikipag-tongue twister kapag nagsasalita. Kung yun ang basehan sa pagiging Best Actor, panalo na siya.

Sa mga adik sa Facebook dyan, hindi ko maga-guarantee na magiging adik din kayo sa pelikulang ito. Pero kung interesado kayo sa history ng Facebook, panoorin nyo ito.

Ngunit subalit datapwat base sa totoong pangyayari ang istorya nito, isang critic sa US ang nagsasabing 40% lang daw ang totoo sa pelikulang ito. Well, bahala silang mag-away. Hehehe...

I guess, the movie is all about "communication", whatever medium we use. The founder of facebook created such social networking website to manifest how we all relate to each other. However, even in a real world there are always miscommunication and misunderstanding. How do we deal in that situation?

Aside from being nominated as Best Picture for this year's Academy Awards, the movie is also nominated for Best Film Editing, Cinematography, Adapted Screenplay, and others to complete the 8 nominations. It means, malaki ang chance nito sa mga hurado.

Pero para sa akin, kumbaga sa Facebook, hindi ko ito ila-"Like". Wala lang. Deadma ang status. Hahaha!

Naalala ko ang pelikulang Frost/Nixon habang pinapanood ang movie na ito. Pero mas nagustuhan ko ang Frost/Nixon. Yun lang.

I rate this movie 6.91 / 10.

127 Hours

Every second counts.

Mararamdaman mo talaga ang takbo ng oras kapag ikaw ay nag-iisa.

Base sa totoong pangyayari sa buhay ni Aron Ralston (portrayed by James Franco) noong 2003, ito ay isang istoryang hindi na nangangailangan pa ng maraming "dialogue" para maintindihan ang mensahe.

Isang mountain climber itong si Aron. One day isang araw ay sa di inaasaang pangyayari, siya'y nahulog at na-trap sa isang bangin sa Canyon Lands National Park. Nag-iisa, ipit ang buong braso sa malaking bato, may dalang tubig at digicam, helpless.

Sa higit limang araw nya doon, panoorin nyo kung papaano nya iginugol ang oras mag-isa, kung papaano nya nailigtas ang sarili, at kung anu-ano ang mga naging realization nya sa buhay.

Si Danny Boyle ang director ng pelikulang ito, pero ibang-iba ang kwento nito sa Slumdog Millionaire. Ganunpaman, kapwa pagsasalarawan ng PAG-ASA ang ibig ipahiwatig ng dalawang pelikula. Sa puntong iyon ko nagustuhan ang forte ni Danny Boyle.

Nagkamit ng maraming nominasyon ngayong taon sa Oscars including Best Picture, I can say that it deserves recognition. However, production-wise, I think may mas hihigit sa pelikulang ito. But knowing Oscars, anything can happen. Papabor din kaya ang mga hurado sa performance ni James Franco para mahuka ang Best Actor trophy? Abangan na lang natin.

Nonetheless, I rate this movie 7.08/10. Simple but heartwarming.